የመከላከያ ኢንጂነሪንግ ግሩፕና መከላከያ ዩኒቨርሲቲ የመግባቢያ ሰነድ ተፈራረሙ

የሀገሪቱን የመከላከያ አቅም ለማሳደግ ያለመውን ሰነድ የግሩፑ ምክትል ዋና ሥራ አስፈጻሚ ብርጋዲየር ጀነራል ዮሐንስ ቲኬሳ እና የዩኒቨርሲቲው ፕሬዚዳንት ብርጋዲየር ጀነራል ከበደ ረጋሳ ፈርመውታል። ስምምነቱ የጋራ ምርምር፣ የቴክኖሎጂ ሽግግር፣ የተማሪዎች የተግባር ልምምድ፣ የጋራ ሥልጠና እንዲሁም ቤተ-ሙከራዎችንና ወርክሾፖችን በጋራ መጠቀምን ያካትታል።

ብርጋዲየር ጀነራል ዮሐንስ ስምምነቱ የዩኒቨርሲቲውን ዕውቀትና የምርምር ውጤት ወደ ተጨባጭ ምርት ለመቀየር የሚያስችል ድልድይ እንደሚሆን ገልጸዋል። ብርጋዲየር ጀነራል ከበደ በበኩላቸው ስምምነቱ የኢንዱስትሪውን ፍላጎት መሠረት ያደረጉ ምርምሮችን ለማካሄድና በተግባር የተፈተኑ ምሩቃንን ለማፍራት እንደሚያስችል ተናግረዋል።

ሁለቱ ተቋማት አፈጻጸሙን የሚከታተል የጋራ ኮሚቴ አቋቁመው ዝርዝር ዕቅድ በማዘጋጀት ወደ ሥራ እንደሚገቡ የግሩፑ ጽሕፈት ቤት አስታውቋል።